UDAKO ALDIZKARIA
Datozen asteetan, etxeetara 2022ko udako aldizkaria iritsiko da, azken urteko jarduera guztiak laburbiltzen dituena eta uda honetarako prestatu den programazio guztiaren berri ematen duena.
Formatu digitalean deskargatzeko sakatu hemen.
SARRERA BERRIA IBAIKO ATEAN
Aste honen hasieratik, ibaiko atearen sarbide berria martxan dago: molinete bat eta ataka bat ditu, besaulki eta bizikletekin sartzeko. Bi kasuetan, sarrera eta irteera banaka egin behar dira, txartelaren edo aplikazioaren QR kodearen bidez. Itxitura berria osatzeko, behin betiko hesia jarri da eta ibaiaren perimetro osora zabalduko da, udal-baimenak eskura ditugunean.
Informazio gehiago ezagutzeko sakatu hemen.
KIROL AGENDA
– Igeriketa:
Asteburu honetan, Anaitasunako igerilekuan, kimu eta haur mailetarako NKJen azken jardunaldia ospatuko da.
Gure saileko 55 igerilari etorriko dira.
– Beisbola:
Beisboleko “Sub15” taldeak ekainaren 23tik 26ra Iruñean eta Bilbon egingo den Serie Nazionalean parte hartuko du. Txapelketaren formatua ligaxka bat izango da, guztien aurka, partida bakarrera eta azken partida bat, bi talde onenen artean, urrea lortzeko.
Amayako jokalarientzako lehen jardunaldia Amaya Kirol Hiriko beisbol-zelai birmoldatuan izango da, ekainaren 23an, osteguna, 10:00etan eta 13:00etan. Bi partidak, esteka honetan, atalaren Youtubeko kanalean, ikusi ahal izango dira,
Hurrengo jardunaldiak Bilboko “El Fango” instalazioetan izango dira.
Partiden emaitza guztiak eta estatistikak esteka honetan ikus daitezke.
Mundu guztia gonbidatzen dugu ostegunean jokatuko diren partidetara joatera eta taldea animatzera.
– Pelota:
Asteburu honetan udaberriko txapelketa sozialaren finala jokatuko da. Larunbatean, 11:00etan, erakustaldi partida izango da eta 12:00etan finala, Juanillo – Merindano/Martinez – D.Otano.
16 ETA 17 URTETIK BEHERAKOENTZAKO GIMNASIOA
Gogoratzen dizuegu gimnasioa erabili nahi duten 16 eta 17 urteko adingabeek trebakuntza-ikastaro bat egin beharko dutela. Eskaera bere aitak/amak/legezko tutoreak egingo du, gimnasioko begirale-hitzordua erreserbatuz apparen bidez, harreran bertan edo telefonoz deituz. Ikastaroa egin ondoren, baimendutako adingabeen zerrendan sartuko zaio eta gimnasioa erabili ahal izango du monitorearen ordutegian edo ordutegi horretatik kanpo, heldu batek lagunduta.
FUTBOL-ZELAIKO HARRASKAK
Astelehenean, goizeko lehen orduan, joan den asteburuan futbol-zelaiko harrasketan izandako arazoa konpondu zen; izan ere, kutxatila bat obran zehar aldi baterako itxi zen eta ordura arte ez zen halakorik antzeman ireki aurretik egindako probetan. Barkamena eskatu nahi diegu jasan zuten guztiei.
OLATUEN JOLASA
Joan den astean olatuen igerilekua bete ondoren, egiaztatu dugu olatuak egiten dituen bolak barneko matxura bat izan duela, abenduko uholdean izandako kolpe baten ondorioz. Hornitzailearekin harremanetan jarri gara, ahalik eta lasterren konpon dezan. Akatsa konpondu arte ezin izango da olatuen jolasa martxan jarri.
KIROL LORPENAK
– Igeriketa artistikoa
Joan den asteburuan, San Juanen, Nafarroako Igeriketa Artistikoko Txapelketa egin zen eta gure igerilari juniorrak parte hartu zuten.
“Solo” proban June Gonzalezek zilarrezko domina lortu zuen eta Naia Ibarrolak brontzezkoa. Gure “duo” igerilariek, Nerea Vallejok eta Naia Ibarrolak, brontzezko domina lortu zuten. Taldekako proban (askea eta teknikoa), gure taldeak merezitako hirugarren postua lortu zuen. Taldekako proban (highligh) bigarren postua lortu zuten.
Jardunaldi hau zilarrezko 2 dominarekin eta brontzezko 4rekin amaitu dugu. Zorionak guztioi!
– Padela
Joan den ostiralean, Nafarroako Padel Federazioak 2021eko denboraldian lortutako tituluengatik sariak banatu zituen. Amaya Kirol Hiria titulu gehien lortu zituen hirugarren kluba izan zen eta oraingoan, titulu guztiak emakumezkoen taldeek lortu zituzten.
