Iragan den maiatzaren 3an Amaia Kirol Elkartean emakumezkoen Gimnastika Artistikoko XXI. txapelketa burutu zen.
Txapelketan Espainiako 23 klubetako 170 gimnastek parte hartu zuten, 1etik 8ra bitarteko mailakoak eta 8 eta 19 urte bitartekoak.
Txapelketa gaueko 22:30ak arte luzatu zen arren, txapelketaren garapena arrakastatsua izan zen.
Amaia K.E-ko neskek parte hartu zuten mailetan dominak eta garaikurrak lortu zituzten, azpimarragarria da jauzian eskuratutako brontzea eta sailkapen orokorrean Alaine Hernandezen hirugarren postua. Baita Irati Najerak zoruan lortutako domina ere, azken biak 2. mailako txikien kategorian.
7. Mailan: Irati Rosek barra paraleloetan urrezko domina lortu zuen, jauzian zilarrezkoa, zoruan brontzezkoa eta orokorrean hirugarren sailkatu zen. Idoia Fernandezek barran urrezko domina lortu zuen.
8. Mailan: Miren Bartolomek barran urrezko domina lortu zuen, zilarrezkoa zoruan eta sailkapen orokorrean bigarren postua. Patri Marzo zoruan urrezko domina lortu zuen, zilarrezkoa barran eta barra paraleloetan eta sailkapen orokorrean hirugarren postua. Eta Leire Navarrok brontzezko domina lortu zuen jauzian eta paraleloetan.
Ruben Eslavak txapelketan ateratako argazkien lotura bidaltzen dizuet.
